Google.com перакладзены на беларускую мову

Скончаны пераклад інтэрфейсу пашуковай сістэмы google.com на беларускую мову. Апошнія 75 фразаў дасталіся інжынеру адной з мінскіх прыватных фірмаў Сяргею Чарнавокаму.

Паводле словаў Чарнавокага, падчас працы над беларусізацыяй інтэрфейсу пашуковай сістэмы ўзнікала дыскусія пра тарашкевіцу і наркамаўку, у выніку перамагла апошняя:

"Звычайна калектыў перакладчыкаў робіць паміж сабой галасаванне як перакладаць. І пры гэтым большасць звычайна галасуе за "тарашкевіцу". І калі ўласна пачынаецца пераклад, найбольш актыўныя перакладчыкі карыстаюцца "наркамаўкай". Вынік атрымліваецца такі, што пераклад звычайна з'яўляецца "наркамаўскі", але, магчыма, частка выразаў будзе на "тарашкевіцы".

Цяпер каля 60 чалавек, а сярод іх і Сяргей Чарнавокі, працуюць над чарговым праектам па "беларусізацыі".



Огигинал новости «Google.com перакладзены на беларускую мову»   -
«Новости на MyPinsk.org»   -